Halit Ergençin uşaqları ilə bağlı tələbi sosial mediada böyük maraq doğurdu - VİDEO

Məşhur sənət dünyasının nümunəvi cütlüklərindən olan Bergüzar Korel və Halit Ergenç, diqqətdən uzaq ailə həyatları ilə daim təqdir olunur. Ali, Han və Leyla adlı üç övladları ilə medianın diqqətindən uzaqda yaşam tərzi seçən cütlük, şəxsi həyatlarına həssas yanaşmaları ilə tanınır.Məşhur cütlüyün övladlarının üzü indiyə qədər heç vaxt sosial şəbəkələrdə paylaşılmayıb.

Sonxeber.az xəbər verir ki, bu məsələyə olan hörmət, şou-biznes dünyasında sanki yazılmamış bir qaydaya çevrilib. Son olaraq, uşaqları ilə birlikdə dünya şöhrətli musiqi qrupu Guns N’ Roses-ın konsertinə qatılan Halit Ergenç, çıxış zamanı mətbuat nümayəndələrinin marağı ilə qarşılaşıb. Ergenç və Korelin fotoları icazəsiz şəkildə çəkildiyi üçün, tanınmış aktyor qısa müddətli bir təəccüb yaşayıb.

Buna baxmayaraq, Halit Ergenç soyuqqanlılığını qoruyaraq jurnalistlərə nəzakətlə yaxınlaşıb və övladlarının görüntülərinin paylaşılmamasını xahiş edib.

Onlara "Zəhmət olmasa, o şəkilləri silin, uşaqlar hələ 18 yaşında deyillər. Belə bir şeyi qəbul edə bilmərəm",- deyib. Onun bu davranışı sənət cameəsində və sosial mediada geniş rezonans doğurub. Cütlüyün şəxsi həyatlarına göstərdikləri bu diqqət və üslub, bir daha onların nüfuzunu gücləndirib.

Telegramda izləyin