Maykl Ceksonun ölümündən iki gün əvvəlki görüntüləri yayıldı: Hamını ŞOKA SALDI - VİDEO

Maykl Ceksonun ölümündən 16 il keçsə də, Popun Kralı bütün dünyada pərəstişkarlarını heyrətləndirməyə davam edir. Belə ki, onun faciəli ölümündən cəmi iki gün əvvəl çəkilmiş, əvvəllər yayımlanmamış video internetdə üzə çıxıb və böyük səs-küyə səbəb olub.

Sonxeber.az Publika.az-a istinadən xəbər verir ki, bu barədə "Parade" məlumat yayıb.

"TikTok"da yayımlanan kadrlarda 13 dəfə "Qremmi" mükafatı laureatının rəqs hərəkətlərini məşq etmə görüntüləri əks olunub. Tamamilə qara geyinmiş 50 yaşlı Cekson rejissor və bir qrup rəqqasə ilə çiyin-çiyinə çalışır. Yorğunluğa baxmayaraq, müğənni ağzından saqqızı çıxarmadan belə dəqiq və aydın hərəkət edir.

Qeyd edilib ki, əfsanəvi ifaçı 2009-cu ilin iyununda həddindən artıq dozadan ölüb, lakin video onun ölümünün sui-qəsd nəzəriyyələrini gücləndirib. Bəzi şərhçilər əmindirlər ki, o, 100% öldürülüb.

Əksər izləyicilər bu kadrları Ceksonun inanılmaz istedadının və ölməz səhnə enerjisinin təsirli xatırlatması kimi qiymətləndiriblər. "O, çox yorğun görünür" deyə bir fanat yazıb. Digəri isə "onun istirahətə ehtiyacı var idi... Yazıq Mikayıl", - deyə qeyd edib.

Bununla belə, bir şərh ümumi əhval-ruhiyyəni ən yaxşı şəkildə əks etdirir: "Bu planetdə cəmi 50 il - və əbədi miras."

Telegramda izləyin