Jennifer Lopez üçün otaq yox, əsl saray hazırlandı - VİDEO

Dünyaca məşhur ulduz Jennifer Lopez illər sonra yenidən Türkiyəyə gəlir.

Sonxeber.az xəbər verir ki, 23 iyulda Antalyada səhnəyə çıxacaq sənətçi üçün genişmiqyaslı hazırlıqlar görülür. Səhnə şousu, rəqqas qrupu və repertuarı ilə daim gündəmdə olan Lopez bu dəfə qalacağı məkanla da diqqət çəkir.

Əvvəlki Türkiyə səfərində lüks villada qalan Jennifer Lopez bu dəfə "mağara konseptli" xüsusi bir məkanı seçib. Amma bu yerə "otaq" demək çətindir — tam 3500 kvadratmetr sahəyə malik olan bu məkanda eyni anda 14 nəfər qala bilər. Bura daha çox şəxsi tətil kompleksi təsiri bağışlayır.

Qadın sənətçilər üçün vacib olan 6 ayrı geyim otağı da unudulmayıb. Konsepsiyaya uyğun olaraq məkanın içində həqiqi bir mağara da yer alıb.

Yalnız sahəsi ilə deyil, təqdim etdiyi imkanlarla da fərqlənən bu xüsusi məkanda üzgüçülük barı (swim-up bar), şəxsi sauna, kinoteatr da var.

Konsert üçün 85 nəfərlik heyətlə Antalyaya gələcək olan Lopez səhnədə 50 rəqqasla birlikdə çıxış edəcək və 35 mahnı səsləndirəcək. Xoreoqrafiya üzərində isə 42 nəfərlik qrup çalışır.

Telegramda izləyin