Ana olmağa hazırlaşan İrem Helvacıoğlu son halını paylaşdı - FOTO

Bir çox sevilən layihədə rol alan tanınmış türkiyəli aktrisa İrem Helvacıoğlu həm şəxsi həyatı, həm də sosial media paylaşımları ilə gündəmdə qalmağa davam edir. İş adamı Ural Kasparla nikah masasına oturan məşhur sənətçi hazırda ana olmağın həyəcanını yaşayır.

Sonxeber.az türk mediasına istinadən xəbər verir ki, son olaraq bir qız övladı gözlədiyini açıqlayan Helvacıoğlu artıq 27 həftəlik hamilədir. İlk dəfə ana olmağa hazırlaşan aktrisa bu dövrdə həm istirahət etməyə, həm də yaxınları ilə vaxt keçirməyə üstünlük verir. Hal-hazırda doğum öncəsi tətilin dadını çıxaran Helvacıoğlu böyüyən qarnı ilə çəkdirdiyi fotoları sosial media izləyiciləri ilə bölüşüb.

Instagram hesabında paylaşdığı görüntülərdə sadə və sakit görünüşü ilə diqqət çəkən aktrisanın fotoları qısa müddətdə sosial şəbəkələrdə gündəm olub. Bəzi izləyicilər Helvacıoğluna ana olmağnın çox yaraşacağını qeyd edib, bəziləri isə onun təbii gözəlliyinə təriflər yağdırıb. Paylaşımlar minlərlə bəyənmə toplayaraq fanatları arasında böyük marağa səbəb olub.

"Güneşin Kızları", "Sen Anlat Karadeniz", "Yürek Çıkmazı" və "Seni Çok Bekledim" kimi seriallardakı rolları ilə geniş bir tamaşaçı kütləsi qazanan İrem Helvacıoğlu hamilə olduğu üçün ekranlara qısa bir fasilə verib. Pərəstişkarları isə onun doğumdan sonra yeni layihələrlə ekranlara qayıtmasını səbirsizliklə gözləyir.

Telegramda izləyin