Polisə: "Az qala məni öldürəcəkdilər" deyən vətəndaşa təəccüblü cavab - VİDEO

İstanbulda hərəkətdə olan bir motosiklet sürücüsü başqa bir avtomobilin qəfil manevri nəticəsində qəzadan son anda yayınıb.

Sonxeber.az türk mediasına istinadən xəbər verir ki, böyük təşviş yaşayan sürücü, hadisəni izah etmək üçün trafildə rastlaşdığı polis əməkdaşlarına müraciət etsə də, aldığı cavab sosial şəbəkələrdə mübahisələrə səbəb olub.

Kask kamerası açıq olan motosikletçinin görüntülərində, avtomobilin qəfil önünə çıxması ilə sürücünün əzilməkdən qurtulduğu anlar əks olunub. Qorxu içində qalan sürücü polisə yaxınlaşaraq "Məni öldürürdülər, əlim-ayağım əsir, danışa bilmirəm" deyə şikayətini bildirmək istəsə də, polis əməkdaşı əl işarəsi ilə "Silahla? 112-yə zəng et!" cavabını verib.

Bu zaman şikayət edilən avtomobilin irəlilədiyini görən motosikletçi polis əməkdaşlarından nəqliyyat vasitəsini saxlamağı tələb edib, lakin polis hər hansı müdaxilə göstərməyib.

Sözügedən görüntülərin sosial şəbəkədə yayılmasının ardından istifadəçilər iki yerə bölünüb. Bəzi vətəndaşlar polis əməkdaşlarını laqeydlikdə günahlandırarkən, digərləri hadisənin "polis səlahiyyətlərinə daxil olmadığını" iddia ediblər.

Telegramda izləyin