Azərbaycandan nə qədər dollar və manat çıxarmaq olar?

Azərbaycanda turizm sektoru xaricilər üçün çox cəlbedicidir. Turistlər geri dönəndə özləri ilə yadigar aparmaq istəyirlər. Kimisi balaca bir suvenir, kimi isə daha bahalı bir əşya, xalça ya digər antik sayılan əşyaları hədiyyə aparmaq istəyir. Bu zaman turistlər gömrükdə bəzi problemlər yaşaya bilərlər.

Turistlər, eləcə də Azərbaycan vətandaşları üçün gömrük qaydalarını təqdim edirik

Turist Azərbaycan nə qədər valyuta gətirə bilər?

Deklarasiya təqdim etdiyi təqdirdə Azərbaycana xarici valyutanın gətirilməsinə məhdudiyyət qoyulmur. Xarici valyutanın ölkədən çıxarılması da deklarasiyada bəyan edilən məbləğlə məhdudlaşır. Yəni, turist gətirdiyindən daha çox valyuta apara bilməz.
Qeyd edək ki, xarici valyutanın həcmi ölkəyə ayaq basdığı andan deklarasiyaya yazılmalıdır.
Milli valyutaya gəldikdə, manatın ölkədən çıxarılması və ya ölkəyə gətirilməsi icazəsi ancaq Azərbaycan vətəndaşlarına verilir. Yəni, əcnəbi turistlər manatı ölkəyə gətirə bilməzlər.

Ölkədən 1 000 dollardan və ya onun ekvivalentindən artıq vəsait çıxarılarsa 1% vergi tutulacaq. Azərbaycan vətandaşları ölkədən maksimum 500 min manat çıxara bilər, əlbəttə deklarasiyada bu haqda məlumat verilibsə
Hansı malları Azərbaycana gətirmək olar?
İlk növbədə onu vurğulayaq ki,ölkəmizə yalnız 10 min dollaradək qiyməti olan malları rüsumsuz gətirmək olar.
16 yaşdan yuxarı şəxslər bu malları rüsumsuz gətirə bilər:
Siqaret – 1 000 ədəd siqaret və ya 1 kiloqram tütün məhsulları;
Spirtli içkilər – sərt alkoqol içkiləri 1,5 litrədək, şərab – 2 litrədək;
Parfüm - şəxsi istifadə üçün ağlabatan həddə;
Digər mallar – 10 min dollaradək qiyməti olan.
Bu malları Azərbaycana gətirmək qadağandır
- Azərbaycan Konstitusiya quruluşuna qarşı çıxış edən fotoşəkil və ya çap materialları:
- Xüsusi icazə verilmiş ov tüfəngləri istisna olmaqla silah və sursat;
- Narkotik vasitələr və narkotik tərkibli dərmanlar;
- Heyvanlar;
- Təzə meyvə və tərəvəz.
Hansı malları ölkədən çıxarmaq qadağandır?
- Antik əşyalar
- Xammal şəklində qiymətli daş-qaşlar;
- Sikkələr və digər sənət əsərləri;
- Silah və sursat;
- 600 qramdan çox nərə balağının kürüsü;
- İt pişik istisna olmaqla canlı heyvanlar;
- Qiymətli ağac növləri;
- Radioaktiv materiallar;
- Azərbaycanın "Qırmızı Kitab"ına daxil olan nadir bitkilər;
- Maral və Ceyran buynuzları.
Qeyd edək ki, 1960-ci ilədək istehsal olunan hər-hansı bir xalça və ya milli sənətkarlıq nümunəsi antik əşya hesab olunur . Onların ölkədən çıxışına Mədəniyyət və Turizm Nazirliyi sertifikat verməlidir. Sertifak rəsmi sərgi salonlarında və ya mağazalarda verilir. Bazarda ya özəl dükanlarda belə bir tip sertifikat verilmir.
Xatırladaq ki, sertifikati olan antik əşyalar vergiyə cəlb olunur.
Bunları Azərbaycandan çıxarmaq mümkündür
- Şəxsi əşyalar;
- Respublikada rəsmən sertifikat alınmış əl işi əşyaları.
Ölkəyə giriş vaxtı sənədləşmiş gömrük deklarasiyasını ölkədən çıxışa qədər saxlamaq tövsiyə olunur.

fins.az

Telegramda izləyin

instagramda izləyin