Məşhur aktyor İbrahim Çelikkol ikinci dəfə evləndi

Məşhur türk aktyoru İbrahim Çelikkol şəxsi həyatında yeni bir səhifə açıb.

Sonxeber.az türk mediasına istinadən xəbər verir ki, 2022-ci ildə Mihre Mutlu ilə yollarını ayıran aktyor, bir müddətdir münasibətini gözlərdən uzaq yaşayan sevgilisi Natali Yarcanla nikah masasına oturub. Sevindirici xəbəri Çelikkol dünən axşam sosial media hesabından paylaşaraq izləyiciləri ilə bölüşüb.

Boşandıqdan sonra adı bir müddət rol yoldaşı Birce Akalay ilə hallanan aktyor, 2023-cü ilin ilk günündə Instagram paylaşımı ilə Natali Yarcanla münasibətini rəsmən elan etmişdi. Cütlük münasibətlərinin əvvəlində mediadan uzaq qalmağa çalışsa da, zaman keçdikcə birlikdə olduqlarını açıq şəkildə paylaşmağa başlamışdılar.

Nəhayət, üç ilə yaxın davam edən münasibət dünən evliliklə nəticələndi. İbrahim Çelikkol xoşbəxt xəbərini sevgi dolu paylaşımı ilə izləyicilərinə çatdırıb. Onun paylaşımı qısa zamanda minlərlə bəyənmə və təbrik şərhi toplayıb.

Telegramda izləyin