Qızı film şirkətini məhkəməyə verdi

2015-ci ildə dünyasını dəyişən aktyor Zeki Alasyanın qızı Zeynep Alasya atasının çəkildiyi filmlərin icazəsiz televiziyada yayımlandığını iddia edib.

Axşam.az xəbər verir ki, o, "Erman Film" prodüser şirkətini məhkəməyə verib. O bildirib ki, filmlərin yayımı üçün onlardan heç kim icazə almayıb.

O, eyni zamanda filmin sosial mediada və rəqəmsal platformalarda icazəsiz yayımlandığını deyib.

Alasyanın vəkili Bişar Abdi Alinak İstanbul Əqli və Sənaye Mülkiyyət Hüquqları Mülki Məhkəməsinə verdiyi ərizədə bunları diqqətə çatdırıb:

"Müştərinin atasının rol aldığı bu prodüserlərdən Erman Film Şirkətinin əhəmiyyətli gəlir əldə etdiyi müəyyən edilib. "Erman Film" müəyyən edilmiş filmləri müştərinin heç bir hüququnu təhvil verməməsinə baxmayaraq, müxtəlif televiziya kanallarına satıb. Zeki Alasya bu istifadələrdən zərrə qədər də gəlir əldə etməyib. "Erman Film" filmlərdən ciddi maliyyə gəliri əldə edir. Buna baxmayaraq, bu günə qədər müştəriyə müvafiq filmlərdən yaranan hüquqlar ödənilməyib.

Zeki Alasyanın baş rolda çəkildiyi filmləri çoxaldan, nüsxələrini yayan, ictimaiyyətə çatdıran, satışa çıxaran və satan "Erman Film"in qanunsuz hərəkətlərinin müəyyən edilməsini tələb edirik".

Telegramda izləyin