"O, hər zaman ürəyimdə yaşayacaq"

"Cabir İmanov hər zaman ürəyimdə yaşayacaq. Onunla bağlı böyük xatirələrim var. Müharibədən sonra ilk dəfə Şuşaya onunla birlikdə getdim".

Axşam.az xəbər verir ki, bu sözləri Əməkdar artist Abbas Bağırov "İncə səhər" verilişində deyib. Müğənni bir neçə gün əvvəl infarktdan dünyasını dəyişən Əməkdar artist Cabir İmanovla bağlı xatirələrini bölüşüb:

"Həyatımda ilk dəfə Şuşada oldum, müharibənin alovları yeni soyuyan vaxtı əsgərlərlə birlikdə konsert verdik. O qədər fəxr etdim ki... O insan əlini atıb bir ovuz torpaq götürüb öpdü, sonra başına vurub dedi ki, bunun üçün çox darıxmışdım. Mənim Cabirlə çox xatirələrim var, bilmirəm hansından danışım. Məhəllə filmində bir kadr var. Oxuyuram və Cabir məni itələyir. Film yayımlanandan sonra getmişəm Gəncəyə, nənəm deyir ki, qəşəng oxuyursan, niyə səni itələyir? Onu gətir, söhbət edəcəyəm".

Telegramda izləyin