Nurgül Yeşilçay, heç kimin bilmədiyi qəribə vərdişlərini açıqladı

Türkiyənin sevilən aktrisalarından biri olan Nurgül Yeşilçay, son olaraq "Veda Mektubu" serialında canlandırdığı Alanur Yıldız obrazı ilə tamaşaçı qarşısına çıxmışdı. Uzun müddətdir ekranlardan uzaq qalan sənətçi bir neçə ay əvvəl İstanbuldan köçdüyünü açıqlayaraq yeni həyata başladığını bildirmişdi. Aktrisa özünə İzmirin təbiət qoynunda bir ev inşa etdirib və inşaat prosesini tez-tez sosial media hesabında izləyiciləri ilə bölüşmüşdü.

Sonxeber.az türk mediasına istinadən xəbər verir ki, yeni evində həyatına başlayan Yeşilçay bu dəfə izləyicilərini gülümədən bir videoyla gündəmə gəlib. O, paylaşımında "ən qəribə xüsusiyyətlərini" sadalayaraq özünə dair indiyədək bilinməyən detalları açıqlayıb.

Aktrisanın sözlərinə görə, yastıqsız yata bilmir, boğazlı sviter geyinmək xoşuna gəlmir və telefonla danışmağı sevmir. O, həmçinin həmişə eyni kresloda oturmadıqda rahat hiss etmədiyini deyib və bəzi vərdişlərinin gündəlik həyatına belə təsir etdiyini etiraf edib.

Sözlərinə yumorla davam edən Yeşilçay, nalbur (tikinti materialları satılan mağaza) gəzintilərindən zövq aldığını, heç bir serialı axıra qədər izləyə bilmədiyini və eyni anda iki iş görə bilmədiyini söyləyib.

"Yazmadan heç nəyi anlaya bilmirəm" deyən aktrisa, özünəməxsus diqqət tərzinə sahib olduğunu vurğulayıb. Avtomobil park edərkən mütləq musiqinin səsini azaltdığını, eləcə də "çarşafa bürünmədən yata bilmirəm" sözləri ilə açıqlamasını tamamlayıb.

Telegramda izləyin