Aygünlə bağlı QALMAQAL: Namiq YENİ GÖRÜNTÜ YAYDI – VİDEO

Meyxanaçı Namiq Qaraçuxurlu toy məclisində Xalq artisti Aygün Kazımovanı qorxudan adamdan danışıb.

Globalinfo.az xəbər verir ki, o, yayılan görüntülərə aydınlıq gətirib.

"Bu, sizin bir neçə gündür seyr etdiyiniz görüntülərdən 5 dəqiqə öncə baş verən səhnədir. Bu qardaşımız doğmamız, azərbaycanlımızdır. Mənə və sonra Aygün xanıma olan sevgisini son dərəcə saflıqla, içdən bildirən adamdır. Hətta mən səhnədən çıxdıqdan sonra Aygün xanım onu yenidən səhnəyə səsləyirdi. Belə bir adamı sosial şəbəkələrdə az qala "terrorist "ediblər. Guya mən 5 dəqiqə öncə qucaqladığım bu qardaşımızdan qorxmuşam", – deyə o qeyd edib.

Meyxanaçı bildirib ki, belə sevgidolu insanlarla hər gün rastlaşır:

"Onlara qayğı ilə yanaşmağı şəxsən özümə borc bilirəm. Bəzi travması olan insanlara səslənirəm: Allah şahiddir ki, mən sizi başa düşürəm. Kaş ki, taleyiniz belə olmazdı. Çünki siz də bizim doğma millətimizsiniz. Lakin siz məndən özünüz kimi biri düzəldə bilməyəcəksiniz. Mən qanacağım və düşüncəm ilə sizin övladlarınıza dəyərlər ötürməyi daha vacib sayıram. Sonda xəbis adamları lərzəyə salacaq bir dua: Allah sizə də, mənə də ürəyimizə görə versin".

Telegramda izləyin