Blok3 hərbi təyyarə faciəsi xəbərindən sonra konsertlərini təxirə saldı - FOTO

Azərbaycanın Gəncə şəhərindən Türkiyəyə getmək üçün havaya qalxan, içərisində 20 hərbçi heyət üzvü olan Türkiyə Hərbi Hava Qüvvələrinə məxsus C-130 tipli hərbi yük təyyarəsi Gürcüstan–Azərbaycan sərhədi yaxınlığında qəzaya uğrayıb.Türkiyə Milli Müdafiə Nazirliyi (MSB) hadisə ilə bağlı açıqlama yayaraq, Azərbaycan’dan Türkiyəyə uçan C-130 tipli təyyarənin Gürcüstanda qəzaya düşdüyünü və təyyarədə olan 20 hərbçinin şəhid olduğunu bildirib.

Sonxeber.az xəbər verir ki, faciə xəbərinin ardından məşhur rep ifaçısı Blok3 sosial şəbəkə hesabında paylaşım edərək üç konsertini ləğv etdiyini açıqlayıb.

Sənətçi paylaşımında bu sözləri yazıb:

"Azərbaycandan ölkəmizə gəlmək üçün yola çıxan hərbi yük təyyarəsinin qəzaya uğradığı xəbərini böyük bir üzüntü ilə öyrəndik. Həyatını itirən şəhidlərimizə Allahdan rəhmət, ailələrinə və millətimizə səbir diləyirik. BLOK3 olaraq qarşıdakı konsertlərimizi daha sonraya təxirə salırıq".

Bu açıqlama sosial mediada böyük dəstək və həmrəylik mesajları ilə qarşılanıb.

Telegramda izləyin