Muazzez Abacının ölüm xəbərini qalada öyrənən Burcu Biricik donub qaldı - VİDEO

Türk Sənət Musiqisinin əfsanəvi adlarından biri olan Muazzez Abacının vəfat xəbəri sənət və media dünyasında böyük təsir yaradıb.

Sonxeber.az türk mediasına istinadən xəbər verir ki, bu kədərli xəbəri ən sarsıdıcı şəkildə öyrənənlərdən biri isə məşhur aktrisa Burcu Biricik olub.

Yeni filminin qalasında jurnalistlərlə söhbət edən Biricik, qırmızı xalçada müsahibə verdiyi anda reportyorlardan, "Muazzez xanımı da itirdik, bu barədə nə deyərdiz?" sualını eşidib.

Sualı eşidən kimi donub qalan, gözləri böyüyən və nə deyəcəyini bilməyən aktrisanın o ankı reaksiyası kameralara əks olunub. Bir neçə saniyəlik sükutdan sonra özünü ələ alan Biricik çətinliklə bu sözləri deyib:

"Heç xəbərim yox idi… Xəstə olduğundan da xəbərim yox idi. Çox üzüldüm. Başımız sağ olsun".

Xatırladaq ki, ötən ilin oktyabr ayında ürək problemi səbəbilə anjiyo edilən və stent taxılan ustad sənətçi Muazzez Abacının vəfatını meneceri Taner Budak açıqlayıb. Budak, bəyanatında belə deyib:

"Sənətçimiz Muazzez Abacını 78-ci ad günündə itirdik. Onun sevgisi, gülər üzü və gözəl qəlbi daim xatırlanacaq".

Telegramda izləyin