Yeşilçamın məşhur aktyorunun son halı hər kəsi kədərləndirib - Şizofreniya diaqnozu qoyuldu

Yeşilçam filmlərinin tanınmış simalarından biri olan Necati Bilgiçin səhhəti ilə bağlı narahatedici məlumatlar yayılıb.

Sonxeber.az türk mediasına istinadən xəbər verir ki, "Arabesk", "Bıçkın", "Davacı", "Milyarder", "Karanfilli Naciye", "Çirkinlerde Sever" və "Çiçek Taksi" kimi bir çox sevilən layihədə rol alan usta aktyorun uzun müddətdir sağlamlıq problemləri ilə mübarizə apardığı bildirilir.

72 yaşlı sənətçinin hazırda Bursada yerləşən bir qocalar evində yaşadığı məlum olub. 2016-cı ildə açıq ürək əməliyyatı keçirən Bilgiçin əməliyyatdan qısa müddət sonra psixoloji çətinliklər yaşamağa başladığı, həkimlər tərəfindən ona şizofreniya diaqnozu qoyulduğu qeyd edilir.

Son günlər aktyorun bir pərəstişkarı tərəfindən çəkilən fotolar sosial şəbəkələrdə paylaşılıb və bu görüntülər izləyicilərin böyük kədərinə səbəb olub. Paylaşımlarda "Keçmiş olsun", "Allah şəfa versin", "Illər aman verməyib" kimi şərhlər yazılaraq aktyora dəstək göstərilib.

Telegramda izləyin