"Səkkizinci Ailə" serialının qalasında yaşanan "yer tutma" anları gündəm oldu – Hazal Kaya açıqlama verdi - VİDEO

"Səkkizinci Ailə" serialının iki gün əvvəl keçirilən qalasında foto çəkilişi zamanı yaranan "yer tutma" anları sosial şəbəkələrdə böyük rezonans doğurub.

Sonxeber.az türk mediasına istinadən xəbər verir ki, xüsusilə Hazal Kaya ilə Haluk Bilginerin yanında poz vermək istədiyi anda yaşanan qarışıqlıq izləyicilər tərəfindən geniş müzakirə olunub.

Haluk Bilginer, Hazal Kaya, Çağlar Çorumlu, Serkan Keskin, Mehmet Özgür və Melisa Döngəl kimi məşhur adların qatıldığı qala gecəsində aktyorların toplu şəkildə foto çəkdirdiyi vaxt gözlənilməz gərginlik yaşanıb. Hazal Kayanın foto üçün önə keçməyə çalışması sosial mediada "yer tutma savaşı" kimi qiymətləndirilib.

Hadisə görüntülərində Kayanın Haluk Bilginerin yanında dayanmaq üçün irəliyə doğru addım atdığı, bu zaman Melisa Döngel ilə qısa müddətli anlaşılmazlıq yaşandığı görünür. Məsələ sosial şəbəkələrdə sürətlə yayıldıqdan sonra məşhur aktrisa səssizliyini pozaraq açıqlama verib.

Hazal Kaya vəziyyətin çox şişirdildiyini bildirilərək bunları deyib:

"Mənə çox gülməli gəldi. Bir anlıq şüursuzluq idi. Melisa sağ olsun, tutmasaydı yıxılardım. Belə bir anlıq qarışıqlığa mənalar yüklənməsi məni açığı güldürdü."

Hadisə sosial mediada hələ də müzakirə olunmağa davam edir.

Telegramda izləyin