"Zelenskinin "iki od arasında" vəziyyəti, Ukraynanın bu qışı strateji təzyiqlər altında keçirməli olduğunu göstərir" - AÇIQLAMA

"Zelenskinin "iki od arasında" vəziyyəti, Ukraynanın bu qışı strateji təzyiqlər altında keçirməli olduğunu göstərir".

Bunu Sonxeber.az-a politoloq Tural İsmayılov danışıb.

O, açıqlamasında qeyd edib ki, ABŞ-nin 28 bəndlik sənədi Kiyevə ciddi siyasi qərarlar tələb edir, çünki sənədin bəzi müddəaları ölkənin mövqelərində dəyişiklik tələb edə bilər:

"Qışın yaxınlaşması enerji çatışmazlığı, humanitar risklər və hərbi təzyiqi artırır. Moskva ənənəvi olaraq qışı təzyiq vasitəsi kimi istifadə edir, bu il də fərqli olmayacaq. Zelenski həm daxili sabitliyi qorumağa, həm də Qərbin təklif etdiyi sənədi balanslı şəkildə qəbul etməyə çalışır. Bu balans cəbhədəki vəziyyətlə birbaşa bağlıdır. Enerji böhranı dərinləşərsə, Ukrayna ictimaiyyəti sənədə daha müsbət baxa bilər. Qərbin sənədi sürətli kompromis təəssüratı yaradır və Kiyevi seçimə məcbur edir. Zelenski həddindən artıq güzəştdən çəkinməlidir, çünki bu siyasi dəstəyinə təsir edə bilər. Eyni zamanda, iqtisadi və hərbi resurslar limitlidir. Çağırışı həm xəbərdarlıq, həm də ictimai rəyin hazırlanmasıdır. Ukrayna üçün real seçim "nəyi qoruya və nəyi təxirə sala bilər" məsələsidir. Bu qış prosesin taleyini müəyyənləşdirəcək. ABŞ və Avropa təzyiqləri Moskvanın mövqeyini sınayacaq".

Telegramda izləyin