Kəndə yerləşən məşhur aktrisa yeni həyatından görüntülər paylaşdı - VİDEO

Türkiyəli məşhur aktrisa Nurgül Yeşilçay, son olaraq rol aldığı "Veda Mektubu" serialında canlandırdığı Alanur Yıldız obrazından sonra seriallara ara verib.

Sonxeber.az türk mediasına istinadən xəbər verir ki, bir müddətdir İstanbuldan uzaqda yaşayan aktrisa, İzmirdə təbiət qoynunda qurduğu yeni həyatı ilə diqqət çəkib.

Yeşilçay sosial şəbəkə paylaşımlarında kənd həyatına qısa müddətdə uyğunlaşdığını göstərib. Tarlaya girən aktrisa traktor sürüb, elektrikli testerdən istifadə edib. O, zeytun yığımına da qatılıb və daha sonra ekskavator idarə edərkən çəkilmiş görüntülərini izləyiciləri ilə bölüşüb.

Məşhur aktrisanın kənd həyatından paylaşdığı təbiət dolu görüntülər qısa zamanda gündəm olub. Şəhər həyatından uzaq bir yaşam arzulayan bir çox insan, Yeşilçayın tarla, traktor və zeytun yığımı anlarını maraqla izləyib.

Telegramda izləyin