Məşhur teatr aktyoru qocalar evinə yerləşdi - FOTO

Türk teatrının yaşayan əfsanələrindən olan, "Lüküs Hayat" operetində uzun illər canlandırdığı Rıza obrazı ilə yaddaşlara həkk olunan Zihni Göktay barədə yeni görüntülər gündəm olub.

Sonxeber.az türk mediasına istinadən xəbər verir ki, 79 yaşlı sənətkarın Fenerbaxçedəki evinin sökülməsindən sonra Maltepedə bir qocalar evində yaşadığı məlum olub.

Ekrem Reşit Reyin qələmə aldığı, Cemal Reşit Reyin musiqisi ilə ölümsüzləşən "Lüküs Hayat"dakı performansı ilə teatr tarixində özünəməxsus yer qazanan Göktay, bu günə qədər 22 musiqili, 10 uşaq tamaşası da daxil olmaqla ümumilikdə 100 tamaşada rol alıb.

Ustanın illər sonra qocalar evində çəkilən görüntüləri sosial şəbəkələrdə qısa zamanda böyük maraq doğurub. Onun səhhətinin yaxşı olduğu, sadəcə daha sakit bir həyat sürdüyü bildirilib.

Sosial mediada paylaşılan görüntülər izləyiciləri duyğulandırıb. "Zihni bəy böyük ustadır, çox üzücüdür", "Gördüm, çox kədərləndim", "Bir teatr nəhəngi… Üzücüdür, amma sağlam yaşasın" kimi şərhlər diqqət çəkib.

Telegramda izləyin