Hande Erçelin kiçik pərəstişkarına göstərdiyi diqqət gündəm oldu - VİDEO

Türkiyəli məşhur aktrisa Hande Erçel, Rusiyada qatıldığı film qalasında göstərdiyi davranışla sosial şəbəkədə geniş müzakirə olunub. Moskvanın mərkəzində keçirilən tədbirdə aktrisanın kiçik bir pərəstişkarı ona yaxınlaşmaq istəyən zamanı mühafizənin sərt müdaxiləsinə Erçelin reaksiyası diqqət çəkib.

Sonxeber.az türk mediasına istinadən xəbər verir ki, "İki Dünya Bir Dilek" filminin 25 noyabrda yayımlanacaq qalası üçün Moskvaya gedən Erçel, mühafizələrlə birlikdə tədbir məkanına doğru hərəkət edərkən balaca bir qızın ona yaxınlaşmaq istədiyini görüb. Mühafizələrdən biri uşağa qarşı aqressiv davranış nümayiş etdirən zaman aktrisa dərhal müdaxilə edərək, "Hey hey hey, stop!" deyə onu dayandırıb.

Hande Erçel daha sonra kiçik qızı öz yanına çağıraraq onunla mehriban şəkildə şəkil çəkdirib və diqqət göstərib. Hadisə anına aid görüntülər qısa müddətdə sosial mediada yayılaraq böyük rəğbət qazanıb.

İstifadəçilər aktrisanın davranışını "nümunəvi və həssas bir addım" kimi qiymətləndirib.

Telegramda izləyin