ina Boz serialdan atıldığını xəbərlərdən öyrəndi: Yerinə Sıla Türkoğlu düşünülür

NOW ekranlarında yayımlanması planlanan "DOC" serialı üçün keçən yay istehsal şirkəti ilə razılığa gələn Alina Bozun layihədən ayrılması gündəmə gəlib.

Sonxeber.az türk mediasına istinadən xəbər verir ki, rəsmi açıqlamada aktrisa ilə qarşılıqlı razılıq əsasında yolların ayrıldığı bildirilsə də, kulislərdə yayılan iddialar prosesin belə getmədiyini göstərir.

Birsen Altuntaşın xəbərinə görə, Alina Boz layihədən öz istəyi ilə ayrılmayıb, istehsal şirkəti tərəfindən qruodan çıxarılıb. Aktrisanın tətildən qayıdarkən və həyat yoldaşı ilə uçuşda olduğu zaman xəbərlər vasitəsilə serialdan ayrıldığını öyrəndiyi deyilir. Bozun bu məsələ ilə bağlı hüquqlarını qorumaq üçün məhkəməyə müraciət edəcəyi də iddia olunur.

Eyni zamanda, Alina Bozun yerinə son dövrlərin populyar simalarından Sıla Türkoğlunun gətirilə biləcəyi xəbərləri də magazin gündəmində yer alıb. Türkoğluna təklifin keçən həftə təqdim olunduğu və həftə sonuna qədər qərarını verməsinin gözləndiyi bildirilir.

Telegramda izləyin