"Tünzaləyə elə ehtiyacım var ki..."

"Günlər elə tez keçir ki... Bu gün özüm özümlə danışıram, deyirəm Zəhram necə böyüyüb, Allahın izni ilə. Tünzalə elə itəyirdi ki, övladımız olsun. Allah da Zəhramı bizə bəxş etdi. Gecələr o qədər yuxusuz qalırdı... Zəhram gecələr yatmırdı. Onu 6 yaşına qədər böyüdüb, sonra mənə təslim edib getdi. Məndən həmişə soruşurdu ki, Röyal, Zəhranın ali məktəbə getdiyi günü səncə görəcəyəm? Mən də "əlbəttə" deyirdim".

Axşam.az xəbər verir ki, bu sözləri mərhum ƏMəkdar artist Tünzalə Əliyevanın həyat yoldaşı Röyal sosial şəbəkədə yazıb. O, aktrisa ilə bağlı xatirələrini bölüşüb:

"Bu gün elə ehtiyacım var ki, Tünüşə... O mənim sadəcə həyat yoldaşım deyildi, Röyalin digər yanı idi. Çox hormətli tanıdıqlarım var, amma tək dostum Tünüş idi! Küçədə insanlar məni görub, bir-birinə "bu bəy Tünzalə xanımın həyat yoldaşıdır", bəzən də "Toppuş bacının yoldaşıdır" deyirlər. Röyaldır demirlər, mən bununla qurur duyuram ki, məni Tünzalənin yoldaşı kimi tanıyırlar! Belə olmasını kimsə istəməzdi, Tünüş də, amma bizdə belə alındı, Allah belə məsləhət bildi".

Qeyd edək ki, tünzalə xərçəng xəstəliyindən vəfat edib. Onun Zəhra adlı qız övladı var.

Telegramda izləyin