"Azərbaycanın regionda sülh gündəliyinin təşəbbüskarı olması prinsipi aydın və qəti mövqedir" - AÇIQLAMA

Sülh gündəliyinin təşəbbüskarı məhz Azərbaycandır.

Bu barədə Azərbaycan Respublikasının Prezidenti İlham Əliyev dekabrın 4-də Böyük Britaniya və Şimali İrlandiya Birləşmiş Krallığının müdafiə üzrə dövlət naziri Lord Vernon Koakeri qəbul edərkən bildirib.

Prezident İlham Əliyev təbriklərə görə təşəkkürünü bildirərək, bütün bunların tarixi əhəmiyyət daşıdığını vurğuladı və bu məsələdə ABŞ Prezidenti Donald Trampın xüsusi roluna toxunub. Dövlətimizin başçısı sülh gündəliyinin təşəbbüskarının məhz Azərbaycan olduğunu deyib və onun irəli aparılması üçün ölkəmizin bundan sonra da səylərini davam etdirəcəyini vurğulayıb.

Söhbət zamanı qarşılıqlı maraq doğuran məsələlər ətrafında fikir mübadiləsi aparıldı.

"Azərbaycanın regionda sülh gündəliyinin təşəbbüskarı olması prinsipi aydın və qəti mövqedir" - bunu Sonxeber.az -a açıqlama verən politoloq Tural İsmayılov deyib:

"Prezident İlham Əliyevin dekabrın 4-də Böyük Britaniya və Şimali İrlandiya Birləşmiş Krallığının müdafiə naziri Lord Vernon Koakeri qəbul edərkən bu mövqeyi bir daha vurğulaması, həm də Azərbaycanın diplomatik təşəbbüslərdə öncül rol oynadığını beynəlxalq səviyyədə nümayiş etdirir. Söhbət zamanı həm ABŞ Prezidenti Donald Trampın bu prosesdə xüsusi roluna toxunulması, həm də qarşılıqlı maraq doğuran məsələlər ətrafında fikir mübadiləsi aparılması göstərir ki, Azərbaycan regionda sülhün təmin olunmasında həm strateji, həm də praktik təşəbbüskardır.

Bu yanaşma həm daxili, həm də xarici siyasətdə Azərbaycanın liderliyini möhkəmləndirir. Bakı yalnız sözlə yox, konkret diplomatik addımlar və təşəbbüslərlə sülh prosesini irəli aparır. Prezidentin vurğuladığı kimi, ölkəmiz bundan sonra da sülh gündəliyinin icrası və davamlılığının təmin olunması üçün səylərini davam etdirəcək. Bu, həm də regionda Azərbaycanın qlobal aktor kimi mövqeyinin təsdiqi və davamlılığının göstəricisidir".

Telegramda izləyin