Məşhur aktyordan keçmiş həyat yoldaşına sərt reaksiya verdi: "Haqqımı halal etmirəm" - FOTO

Aktyorluq karyerasını bitirərək ABŞ-yə köçən Tolqa Karel yenidən gündəmə gəlib. Bir müddət Günay Musayeva ilə evli olan Karel bu nikahdan Cahangir adlı bir oğul sahibi olub.

Sonxeber.az türk mediasına istinadən xəbər verir ki, boşandıqdan sonra ABŞ-da yeni həyat quran Tolqa Karel, keçmiş həyat yoldaşının açıqlamalarından sonra sərt mövqeyi ilə diqqət çəkib.

Günay Musayeva qatıldığı proqramlardan birində Tolqa Karel ilə uzun müddət əlaqə saxlaya bilmədiyini, bu səbəbdən oğlu Cahangirin bir ara atasının dünyasını dəyişdiyini düşündüyünü bildirib. Musayeva, həmçinin Cahangirin xəstə olduğu dövrdə ən böyük arzusunun Disneyland-a getmək olduğunu, lakin atasından icazə ala bilmədikləri üçün xaricə çıxışla bağlı problem yaşadıqlarını və bu arzunu reallaşdıra bilmədiklərini qeyd edib.

Bu açıqlamalardan sonra Tolqa Karel sosial şəbəkə hesabından paylaşım edərək iddialara cavab verib. Karel bildirib ki, onu tanımadan yalnız keçmiş həyat yoldaşının iddialarına əsaslanaraq özü və ailəsi haqqında mənfi fikir bildirənlərdən ciddi üzr gözləyir:

"Məni heç tanımayan, yalnız o qadının yalan və iftiralarına inanaraq digər dörd övladımın varlığını və həyatını yox sayan, təkcə bir övladım üzərindən mənə və ailəmə qarşı şərh verən şəxslərdən, digər uşaqlarımın şərəf və ləyaqəti naminə ciddi üzr gözləyirəm. Əks halda, bu fani dünyada heç birinə haqqımı halal etmirəm".

Tolqa Karel başqa paylaşımında isə oğlu Cahangirin 18 yaşına qədər Türkiyədə qalmasının daha məqsədəuyğun olduğunu bildirib. O, əlavə edib ki, yalnız rəsmi qurumlardan təqdim ediləcək təmiz tibbi arayışlar və müsbət analiz nəticələri olacağı təqdirdə fikrini dəyişə bilər.

Məsələ sosial şəbəkələrdə geniş müzakirələrə səbəb olub.

Telegramda izləyin