Hüllya Avşar 4 il fasilədən sonra ekranlara qayıdır!

Hülya Avşar iddialı serialla ekranlara qayıdır - başörtülü Fazilet Aydan obrazı ilə sürpriz dönüş

Məşhur türk aktrisa Hülya Avşar televiziya ekranlarına iddialı bir layihə ilə qayıdır.

Sonxeber.az türk mediasına istinadən xəbər verir ki, aktrisa ATV kanalında tamaşaçı ilə görüşməyə hazırlaşan "Aynı Yağmur Altında" serialında baş rolda çıxış edəcək. Avşar bu dəfə hicablı Fazilet Aydan obrazına həyat verəcək.

Uzun fasilədən sonra yenidən kamera qarşısına keçən Hülya Avşar, təxminən 4 illik televiziya ayrılığından sonra serial çəkilişlərinə start verib. Aktrisa, canlandıracağı obraz üçün imic dəyişikliyinə gedərək hicab bağlayıb. Bu dəyişiklik artıq maqazin kulislərində geniş müzakirələrə səbəb olub.

Baba Yapım imzası daşıyan və rejissor Ali Balcının rəhbərliyi ilə çəkilən serialın çəkilişləri Londonda başlayıb. Xaricdə lentə alınan səhnələri ilə diqqət çəkən layihənin sınaq çəkilişlərindən yayımlanan ilk kadrlar serialın güclü atmosferindən xəbər verir.

Fərqli və dərin obrazları ilə hər zaman diqqət mərkəzində olan Hülya Avşarın Fazilet Aydan rolu ilə də tamaşaçıları təsirləndirəcəyi gözlənilir. Usta aktrisanın bu sürpriz dönüşü artıq indidən mövsümün ən çox danışılacaq layihələri sırasında yer alıb.

Serialın aktyor heyətində Hülya Avşarla yanaşı Nilsu Berfin Aktaş, Burak Tozkoparan, Fikret Kuşkan, Taro Emir Tekin, Bahar Şahin, Levent Ülgen, Deniz Uğur, Erkan Can, Mine Çayıroğlu, Sarp Bozkurt və Türkü Turan da yer alır.

Telegramda izləyin