Mabel Matiz anası ilə fotosunu paylaşdı - aralarındakı oxşarlıq diqqət çəkdi

Məşhur türk müğənni Mabel Matiz anası ilə birlikdə çəkdirdiyi fotosunu sosial media hesabında izləyiciləri ilə bölüşüb.

Sonxeber.az türk mediasına istinadən xəbər verir ki, sənətçinin paylaşıma əlavə etdiyi "Canım anam" qeydi qısa zamanda böyük maraq doğurub.

Paylaşımda ana ilə oğul arasındakı nəzərəçarpacaq oxşarlıq sosial şəbəkə istifadəçilərinin diqqətindən yayınmayıb. Mabel Matizin anasının təbii, sadə və güclü duruşu izləyicilər tərəfindən xüsusi rəğbətlə qarşılanıb.

Şərhlərdə sənətçinin anası üçün "Anadolu qadınının nəcibliyi", "zəhmətkeş türk qadını", "maşallah" kimi ifadələr tez-tez səsləndirilib. Bir çox izləyici paylaşımı həm səmimi, həm də duyğusal adlandırıb.

"Fan", "Düldül", "Kömür", "Numaracı", "Zor Değil" və "Karakol" kimi mahnıları ilə yadda qalan Mabel Matizin anasına olan sevgisini əks etdirən bu paylaşımı qısa zamanda minlərlə bəyənmə və şərh toplayıb.

Telegramda izləyin