İbrahim Tatlısesin acı günü! Aldığı xəbərlə sarsıldı

Türk musiqisinin ən tanınmış və önəmli simalarından biri olan İbrahim Tatlıses ailəsini dərindən sarsıdan acı itki ilə gündəmə gəlib. M

Sonxeber.az türk mediasına istinadən xəbər verir ki, məşhur sənətçinin əmisi Halil Tatlı dünyasını dəyişib.

İbrahim Tatlıses kədərli xəbəri sosial şəbəkə hesabı vasitəsilə ictimaiyyətə çatdırıb. O, "Əmim Halil (Ağa) Tatlı Haqqın rəhmətinə qovuşub. Bütün ailəmizə başsağlığı verirəm" sözlərini paylaşıb.

Halil Tatlının dəfn mərasimi ilə bağlı məlumatları isə İbrahim Tatlısesin bir müddətdir küsülü olduğu oğlu Ahmet Tatlıses açıqlayıb. Ahmet Tatlıses sosial media paylaşımında bildirib ki, mərhumun cənazəsi günorta namazından sonra Şanlıurfadakı Yusuf Paşa məscidindən götürülərək Bediüzzaman Ailə Qəbiristanlığında torpağa tapşırılacaq.

Qeyd edək ki, vəfat xəbərinin yayılmasından sonra sosial şəbəkələrdə çoxsaylı istifadəçilər İbrahim Tatlıses və ailəsi üçün başsağlığı mesajları paylaşıblar.

Telegramda izləyin