Qarın ağrısı zənn etdi, xəstəxanaya gedəndə isə tam fərqli həqiqət ortaya çıxdı

ABŞ-ın İllinoys ştatında qarın ağrısı olduğunu zənn edərək xəstəxanaya müraciət edən 18 yaşlı qadın hamilə olduğunu öyrənəndə böyük şok yaşayıb.

Sonxeber.az türk mediasına istinadən xəbər verir ki, müayinələr zamanı gənc qadının hamiləliyinin son mərhələsində olduğu müəyyən edilib. Qısa müddət sonra o, 3,6 kiloqram çəkidə sağlam körpə dünyaya gətirib. Qadın bildirib ki, hamilə olduğunu bilməyib, hətta qarnında böyümə də hiss etməyib.

"Dediklərini eşidəndə mənə yalan danışdıqlarını düşündüm", - deyə o qeyd edib.

Hadisə nadir rast gəlinən "gizli hamiləlik" kimi dəyərləndirilir. Mütəxəssislər bildirirlər ki, bu cür hallarda hamiləliyin tipik əlamətləri ya çox zəif olur, ya da ümumiyyətlə müşahidə edilmir.

Telegramda izləyin