Burak Özçivitin pulla bağlı açıqlaması tənqid edildi

Son illərin ən çox qazanan və ən çox danışılan adlarından biri olan aktyor Burak Özçivit bu dəfə pulla bağlı xəbərlərdən şikayətlənərək, yenidən sosial mediada trend mövzusuna çevrilib.

Axşam.az xəbər verir ki, məşhur aktyorun "Mən heç vaxt pul üçün iş görməmişəm" açıqlaması X sosial şəbəkə hesabında şərh yağışına tutulub.

Aktyor "Maliyyə məsələlərinin niyə həmişə sosial mediada ortaya çıxdığını bilmirəm. Heç vaxt pul üçün aktyorluq etməmişəm. Əsas məsələ layihəni bəyənməyim, oxuyanda mənə uyğun olduğunu hiss etməyimdir. Niyə həmişə pulla bağlı xəbərlərin olduğunu başa düşmürəm?" ifadəsini işlədib. Onun bu sözləri tənqid olunub.

Qeyd edək ki, "Kara Sevda", "Çalıkuşu" və "Kuruluş Osman" kimi layihələrlə karyerasının zirvəsinə çatan Burak sonuncu dəfə "Kuruluş Osman" serialında yer alıb.

Serialdan ayrıldıqdan sonra Özçivit tək nəfərlik teatr tamaşası ilə tarixə düşüb. "İstanbulun ən gözəl qızı" adlı tamaşa teatr dünyasında böyük səs-küy yaradıb.

Bundan sonra onun məşhur bir tikinti şirkəti ilə reklam müqaviləsindən 45 milyon lirə aldığı iddia edilib.

Özçivitin 10 nəqliyyat vasitəsindən ibarət lüks avtomobil kolleksiyası, Rivadakı şəxsi qarajı və kolleksiyanın 4 milyon dollar dəyərində olması barədə uzun müddət şayiələr gəzib.

Telegramda izləyin