Polisin saxladığı şübhəlinin mədəsindən görün nələr çıxdı!

Türkiyənin Eskişehir şəhərində polis əməkdaşları tərəfindən aparılan yoxlamalar zamanı şübhəli bilinərək saxlanılan bir şəxsin mədəsində narkotik maddə ilə dolu kapsullar aşkar edilib.

Sonxeber.az türk mediasına istinadən xəbər verir ki, Eskişehir İl Təhlükəsizlik İdarəsinin əməkdaşları şəhər girişində şübhəli hərəkətləri ilə diqqət çəkən S.A.-nı saxlayıb. Yoxlama zamanı onun davamlı şəkildə mədəsini tutması polis əməkdaşlarında şübhə yaradıb və o, dərhal tibbi müayinəyə göndərilib.

Xəstəxanada aparılan müayinələr və rentgen çəkilişi zamanı şübhəlinin mədəsində 44 kapsul olduğu müəyyən olunub. Eskişehir Respublika Prokurorluğunun göstərişi ilə S.A. təcili olaraq cərrahi əməliyyata alınıb. Əməliyyat zamanı mədədən çıxarılan kapsulların içərisində metamfetamin tərkibli narkotik maddə olduğu təsdiqlənib.

Müalicəsi tamamlandıqdan sonra polis nəzarətinə götürülən S.A. istintaq orqanlarına təhvil verilib. Məhkəməyə çıxarılan şübhəli "narkotik vasitələrin qanunsuz dövriyyəsi" ittihamı ilə həbs edilərək cəzaçəkmə müəssisəsinə göndərilib.

Telegramda izləyin