İbrahim Tatlısesin mühafizəçisindən sərt müdaxilə: "O görüntünü sil!" - VİDEO

Türkiyənin tanınmış sənətçisi İbrahim Tatlısesin əlil arabasında çəkilmiş görüntüləri sosial şəbəkələrdə gündəm olub.

Sonxeber.az türk mediasına istinadən xəbər verir ki, məlumata görə, Tatlısesin bir restorana əlil arabası ilə daxil olduğu anlar vətəndaşlardan biri tərəfindən mobil telefonla qeydə alınıb.

Hadisəni görən sənətçinin mühafizəçisi görüntüləri çəkən şəxsə sərt şəkildə müdaxilə edərək videonun dərhal silinməsini tələb edib. Yaşanan gərgin anlar ətrafdakı başqa bir şəxs tərəfindən mobil telefon kamerası ilə lentə alınıb.

Sosial mediada sürətlə yayılan bu görüntülər cəmiyyətdə müxtəlif reaksiyalara səbəb olub. Bəzi istifadəçilər şəxsi həyatın toxunulmazlığına hörmət edilməli olduğunu bildirərkən, digərləri mühafizəçinin davranışını tənqid edib.

Məsələ ilə bağlı İbrahim Tatlıses və ya onun nümayəndələri tərəfindən hələlik rəsmi açıqlama verilməyib.

Telegramda izləyin