Ata-ögey oğul davası qanla bitdi - VİDEO

Türkiyənin Aydın vilayətinin Efeler rayonunda ata ilə ögey oğlu arasında baş verən dava faciə ilə nəticələnib.

Sonxeber.az türk mediasına istinadən xəbər verir ki, hadisə axşam saatlarında Zafer məhəlləsi, Zübeydə Xanım prospektində qeydə alınıb. İlkin məlumata görə, 58 yaşlı Nurettin Aslıhan ilə 32 yaşlı ögey oğlu S.K. arasında evdə naməlum səbəbdən mübahisə yaranıb. Qısa zamanda böyüyən mübahisə davaya çevrilərək küçəyə çıxıb.

Küçədə davam edən dava zamanı ata N.A. qəfil halı pisləşərək yerə yıxılıb. Dərhal 112 Təcili Çağrı Mərkəzinə məlumat verilib. Hadisə yerinə gələn təcili tibbi yardım və polis əməkdaşları tərəfindən ilk tibbi yardım göstərildikdən sonra N.A. ambulansla xəstəxanaya çatdırılıb.

Xəstəxanada onun ürək tutması keçirdiyi müəyyən edilib. Həkimlərin bütün səylərinə baxmayaraq, Nurettin Aslıhanın həyatını xilas etmək mümkün olmayıb.

Hadisədən sonra ögey oğul S.K. polis tərəfindən saxlanılaraq polis idarəsinə aparılıb. Faktla bağlı araşdırma davam etdirilir.

Telegramda izləyin