Təmir etdiyi avtobusun altında qalıb öldü

Kayserinin Kocasinan rayonunda yerləşən avtoservisdə baş verən bədbəxt hadisə ölümlə nəticələnib.

Sonxeber.az türk mediasına istinadən xəbər verir ki, hadisə Anbar məhəlləsi Altınok küçəsində fəaliyyət göstərən rot-balans servisində qeydə alınıb. Məlumata görə, C.A. (31) təmir etdiyi avtobusu qaldırmaq üçün istifadə olunan krikonun sürüşməsi nəticəsində nəqliyyat vasitəsinin altında sıxılıb. Hadisə yerinə polis və təcili tibbi yardım briqadaları cəlb olunub.

Ağır xəsarət alan C.A. sıxıldığı yerdən çıxarılaraq təcili yardım avtomobili ilə Kayseri Şəhər Xəstəxanasına çatdırılıb. Həkimlərin bütün səylərinə baxmayaraq, onun həyatını xilas etmək mümkün olmayıb.

Faktla bağlı hadisə yerində araşdırma aparılıb. Qəzanın başvermə səbəbləri ilə bağlı polis tərəfindən istintaq başladılıb.

Telegramda izləyin