Sosial mediada başqalarının həyatına baxmaq insanın özünə qiymətini necə təsir edir? - AÇIQLAMA

Son illərdə sosial media həyatımızın ayrılmaz hissəsinə çevrilib.

İnsanlar gündəlik olaraq başqalarının həyatından, uğurlarından, səyahətlərindən və sosial aktivliklərindən xəbər alır. Lakin bu davamlı müqayisə prosesi bəzən xoşagəlməz psixoloji təsirlərə səbəb.

Bəs görəsən sosial mediada başqalarının həyatına baxmaq insanın özünə qiymətini necə təsir edir?

Psixoloq G.Qədirli məsələ ilə bağlı Sonxeber.az -a açıqlama verib:

"Sosial mediada başqalarının "ideal həyat" görüntülərinə baxmaq, reallığı düzgün qiymətləndirməyən beynimiz üçün təzyiq yarada bilər. İnsan, başqalarının uğurlarını və xoş anlarını görərkən, öz həyatını onları ilə müqayisə etməyə başlayır. Bu müqayisə çox vaxt gerçək vəziyyəti əks etdirmir, çünki sosial media yalnız ən maraqlı və müsbət anları paylaşmaq üçün istifadə olunur.

Uzun müddət bu cür müqayisələr insanın özünə dəyər hissini aşağı sala, özünü kifayət qədər uğurlu və ya xoşbəxt hiss etməməsinə səbəb ola bilər. Bu, həm də narahatlıq, qısqanclıq və depressiya kimi emosional vəziyyətlərin artmasına gətirib çıxara bilər.

Mənim məsləhətim odur ki, başqalarının həyatını "ideal" hesab etməyin, öz nailiyyətlərinizi və gündəlik uğurlarınızı görməyə çalışın və sosial mediada sərhəd qoyun. Özünüzü başqaları ilə müqayisə etməmək, psixoloji sağlamlıq və özünə qiymətin qorunması üçün önəmli addımdır.

Sosial media fasilələri yaratmaq, real həyatda əlaqələr qurmaq və hobbilərə vaxt ayırmaq insanın özünə inamını artırır və başqalarının uğurlarına baxmaqdan yaranan mənfi təsirləri azaldır".

Telegramda izləyin