Gənc qızla evlənən 78 yaşlı kişi binadan yıxılıb öldü - Şok FAKTLAR

Rusiyanın paytaxtı Moskvada 78 yaşlı kişi binadan yıxılaraq, ölüb.

Hadisə dünən günorta saatlarında Zoya və Aleksandr Kosmodemyanskix küçəsində baş verib. Qonşu 78 yaşlı pensiyaçının cansız bədənini binanın girişinin yaxınlığında aşkar edərək polisə və təcili tibbi yardıma xəbər verib.

Məlum olub ki, kişi bir müddət əvvəl gənc qadınla evlənib. Pensiyaçının yaxınları isə şikayət ediblər ki, həmin qadın onu tez-tez mənzildə tək qoyur. Açarlarını əlindən alır, qızına və nəvəsinə ataları ilə ünsiyyət qurmağı qadağan edirmiş. Qohumları qonaq gələndə belə görüşməyə icazə vermirmiş.

Aqressiv davranışlı qadınla bağlı daha əvvəl də polisə müraciətlər daxil olub. Hazırda kişinin ölümü ilə bağlı araşdırma aparılır. /Lent.az

Telegramda izləyin