Bu kənddə iftar qadağandır, toplu süfrələr qurulur - VİDEO

Türkiyənin Nevşehir şəhərində bir kəndin muxtarı Ramazan ayında evlərdə iftar açılmasını qadağan edən qərar qəbul edib.

Sonxeber.az türk mediasına istinadən xəbər verir ki, kənd sakinləri iftarlarını, kənddə birlikdə hazırlanan yeməklərlə hər axşam toplu şəkildə açırlar.

Pandemiya dövründə ehtiyacı olanlara evlərə yemək çatdırılması ilə başlayan bu ənənə, zamanla kəndin adətinə çevrilib. Son 5 ildir davam edən tətbiq çərçivəsində kənd sakinləri hər gün təxminən 700 nəfərlik yemək hazırlayır. Hazırlanan yeməklər qurulan böyük masalarda birlikdə yeyilir, evdə olmayan yaşlılar və iş başında olan şəxslərə isə yeməklər çatdırılır.

Kəndin imamı İbrahim Aktaş bildirib ki, bu ənənə həm də həmrəyliyi gücləndirir: "Beş ildir burada iftar veririk. Kəndimizə gələn qonaqlar, hüquq-mühafizə orqanlarının əməkdaşları, tələbələrimiz hamısı eyni masada toplaşır. Allah xeyirxah insanların yardımından razı olsun, yardımlarını əsirgəmirlər. Muxtarımızın sərt göstərişidir, evlərdə iftar olmayacaq. Gəzib baxsanız, görəcəksiniz ki, heç bir evdə yemək bişirilməyib."

Telegramda izləyin