Evə hamburger sifariş verən vətəndaş qutunu açanda şok yaşadı - VİDEO

Onlayn platforma vasitəsilə hamburger sifariş edən bir vətəndaş evə gətirilən məhsulu açdıqda gözlənilməz mənzərə ilə qarşılaşıb.

Sonxeber.az türk mediasına istinadən xəbər verir ki, vətəndaş sifarişin görüntülərini lentə alaraq sosial şəbəkədə paylaşıb və hamburgerin içinin boş olduğunu, ətin isə dişlənmiş vəziyyətdə göndərildiyini iddia edib.

Videoda danışan şəxs bildirib: "Hamburger sifariş etmişdim. İçində heç nə yoxdur, əti isə dişlənib. Doğrudan da biabırçılıqdır. Digərini açdım, bunda isə əti dişləməyiblər…" Görüntülərdə çörəyin arasında sous, tərəvəz və ya bütöv ət əvəzinə natamam və səliqəsiz məhsulun olduğu müşahidə edilir.

Qısa müddətdə yayılan video sosial şəbəkələrdə geniş müzakirələrə səbəb olub. Çoxsaylı istifadəçi həm aidiyyəti obyektə, həm də nəzarət qurumlarına müraciət edərək məsələnin araşdırılmasını tələb edib. Bəzi paylaşımlarda hadisənin gigiyena və qida təhlükəsizliyi baxımından ciddi narahatlıq doğurduğu vurğulanıb.

Hadisədən sonra istehlakçı hüquqları və qida məhsullarına nəzarət məsələsi yenidən gündəmə gəlib. Mütəxəssislər belə hallarla qarşılaşan vətəndaşlara ilk növbədə şirkətə yazılı müraciət etməyi, nəticə əldə olunmadıqda isə rəsmi şikayət mexanizmlərindən istifadə etməyi tövsiyə edirlər.

Hazırda yayılan görüntülərlə bağlı aidiyyəti qurumların mövqeyi açıqlanmayıb.

Telegramda izləyin