"Dünyada nə dəhşətlər baş verir"

"Dünyada nə dəhşətlər baş verir. Mən ümumiyyətlə mənfi xəbərlərə baxmamağa çalışıram. Məni həqiqətən narahat edən yeganə şey odur ki, Allah eləsin, bütün bu bəlalar və müharibələr ölkəmizdən yan keçsin".

Axşam.az xəbər verir ki, bu sözləri "Avroviziya 2011" qalibi Nigar Camal sosial şəbəkədə yazıb. Müğənni müharibədən bəhs edərək, bunları əlavə edib:

"Görünür, "bütün dünyada sülh" artıq fantaziya sahəsindən olan bir anlayışdır. İnsanlar vəziyyətin nə qədər təhlükəli hala gəldiyini və sahib olduğumuz sakitlik və təhlükəsizliyi qiymətləndirməyin nə qədər vacib olduğunu tam dərk etmirlər. Bir çoxları çox vaxtını neqativə, aqressiv şərhlərə və çox vaxt paxıllıqdan yaranan nifrətə sərf edir. Özünüzü və həyatınızı sevin, doğmalarınızı və sizin üçün dəyərli olan insanları qoruyun. Sabahın nə gətirəcəyini heç kim bilmir… Yaxşılığa doğru can atın. Üstəlik, bahar artıq qapıdadır. Yaşayın, sevin və pozitiv düşüncəyə köklənin".

Telegramda izləyin