Məşhur cütlük şəhərin mərkəzində xəyanət davası edib

Mərhum sənətçi Ferdi Tayfurun qızı Tuğçe Tayfur boşanma prosesində olduğu həyat yoldaşı Muhammet Aydınla İstanbulun Nişantaşı səmtində mübahisə edərkən kameralara tuş gəlib.

Sonxeber.az türk mediasına istinadən xəbər verir ki, Tuğçe Tayfur həyat yoldaşının onu aldatdığını əsas gətirərək boşanma iddiası qaldırıb. Cütlük Nişantaşının mərkəzində jurnalistlərin obyektivinə tuş gələn zaman aralarında gərgin dialoq yaşanıb. Hadisə şahidlərinin sözlərinə görə, tərəflər arasında mübahisə qısa zamanda emosional qarşıdurmaya çevrilib.

Məlumata əsasən, Muhammet Aydın "Hansı etdiklərim ortaya çıxacaq?" deyə sual ünvanlayıb. Bu sözlərə Tuğçe Tayfur sərt reaksiya verərək "Xəyanətlərindən danışıram" cavabını verib. Dialoq ətrafdakıların diqqətini cəlb edib və hadisə anı media nümayəndələri tərəfindən qeydə alınıb.

Qeyd edək ki, Tuğçe Tayfur bir müddət əvvəl həyat yoldaşının ona xəyanət etdiyini iddia edərək rəsmi şəkildə boşanma üçün məhkəməyə müraciət edib. Tərəflər məsələ ilə bağlı geniş açıqlama verməsə də, prosesin hüquqi müstəvidə davam etdiyi bildirilir.

Hadisə sosial şəbəkələrdə də müzakirələrə səbəb olub. İctimaiyyət arasında cütlüyün münasibətlərinin gələcəyi ilə bağlı müxtəlif fikirlər səsləndirilir. Hazırda boşanma işi üzrə araşdırma davam edir.

Telegramda izləyin