Nəvəsindən İbrahim Tatlısəs haqqında inanılmaz iddialar: "Qatil kirayələyib"

Türkiyəli məşhur müğənni İbrahim Tatlısəs yenidən qalmaqallı açıqlamalarla gündəmə gəlib. Onun məhkəmə çəkişməsi yaşadığı oğlu Əhməd Tatlısəsdən olan nəvəsi Mərt Tatlısəs babası ilə bağlı sensasiyalı iddialar səsləndirib.

Sonxeber.az türk mediasına istinadən xəbər verir ki, Mərt Tatlısəs açıqlamasında bildirib ki, babası atası üçün "qatil kirayələyib". O, həmçinin iddia edib ki, İbrahim Tatlısəs öz oğluna qarşı "ölüm cadusu" etdirdib.

Səsləndirilən iddialar qısa zamanda sosial şəbəkələrdə geniş rezonans doğurub və ictimaiyyət arasında ciddi müzakirələrə səbəb olub. Hələlik İbrahim Tatlısəs tərəfindən məsələ ilə bağlı açıqlama verilməyib.

Xatırladaq ki, İbrahim Tatlısəs ilə oğlu Əhməd Tatlısəs arasında uzun müddətdir davam edən münaqişə və məhkəmə prosesi var. Tərəflər arasındakı gərginlik zaman-zaman mediada geniş işıqlandırılıb.

Telegramda izləyin