Qardaşına deyilən sözə görə məktəbə hücum etdi, iki şagirdi döydü - VİDEO

Konya şəhərinin Selçuklu rayonunda yerləşən orta məktəblərdən birində baş verən hadisə ciddi narazılığa səbəb olub. İddiaya görə məktəbə gələn bir şəxs müəllim və şagirdləri təhqir edib, daha sonra isə iki qardaş olan şagirdi döyüb.

Sonxeber.az türk mediasına istinadən xəbər verir ki, məlumata görə, idmançı olduğu bildirilən şəxs qardaşının məktəbdə bəzi şagirdlər tərəfindən "şişko" deyə lağa qoyulduğunu öyrəndikdən sonra məktəbə gəlib.

Məktəbə daxil olan şəxs şagirdlərlə mübahisə etməyə başlayıb, həmçinin müəllimləri də təhqir edib və hədələyib.

Mübahisə böyüdükdən sonra isə 13 və 14 yaşlarında olan, qardaş olduqları bildirilən iki şagirdi döyüb. Hadisə ilə bağlı araşdırma aparıldığı bildirilir.

Telegramda izləyin