"İnsanlıq ölüb" dedirən görüntü - VİDEO

Edirne şəhərinin Şükrüpaşa məhəlləsində baş verən hadisə cəmiyyətdə ciddi narazılıq və təəssüf doğurub.

Sonxeber.az türk mediasına istinadən xəbər verir ki, məlumata görə, 48 yaşlı Kəmal Kulbilgə iftardan sonra səkidə gəzərkən qəfil halı pisləşib və yerə yıxılıb. Şahidlərin sözlərinə görə, Kulbilgə yerdə can verərkən onu görən bir neçə nəfər, hətta yaxınlıqda olan taksi sürücüsü belə yardım etmədən arxasını çevirərək oradan uzaqlaşıb.

Bildirilir ki, hadisədən bir neçə dəqiqə sonra başqa bir taksi sürücüsü yaxınlaşaraq kişiyə ilk tibbi yardım göstərməyə çalışıb. Lakin artıq gec olub və onun həyatını xilas etmək mümkün olmayıb.

Baş verən hadisə sosial mediada geniş müzakirələrə səbəb olub. Bir çox istifadəçi insanların çətin vəziyyətdə olan birinə kömək etməməsini sərt tənqid edərək "İnsanlıq ölüb" kimi fikirlər səsləndirib. Hadisə ilə bağlı araşdırma aparılır.

Telegramda izləyin