Hər kəs onun yeni saçlarından danışır!

Türkiyəli məşhur müğənni Göksel bir jurnal üçün etdirdiyi fotosessiya ilə diqqət çəkib.

Sonxeber.az türk mediasına istinadən xəbər verir ki, müğənni fərqli saç modelləri və üslublarla kamera qarşısına keçərək müxtəlif obrazlarda pozlar verib.

"Depresyondayım" mahnısı ilə geniş kütlələrin yaddaşında qalan sənətçi All Dergisi üçün həyata keçirilən fotosessiyada həmişəki imicindən kənara çıxaraq fərqli görünüşlər nümayiş etdirib. Hər kadrlarda başqa saç modeli və obrazla görünən Gökselin şəkilləri qısa müddətdə sosial şəbəkələrdə böyük maraq doğurub.

Müğənni çəkiliş prosesini də videoya çəkərək sosial media hesabında paylaşıb və izləyicilərinə pərdəarxası görüntüləri göstərib. O paylaşımında "All jurnalı üçün çəkilişdə hər saç modeli ilə içimdən başqa bir qadın ortaya çıxdı. Ən çox uzun, qıvrım saçlı halımla əyləndim" sözlərini yazıb.

Sənətçinin fərqli saç rəngləri və üslubları ilə verdiyi pozlar sosial şəbəkə istifadəçilərinin də diqqətini çəkib. Xüsusilə sarı saçlı görüntüsü izləyicilər tərəfindən bəyənilib və paylaşıma çoxsaylı müsbət rəylər yazılıb.

Telegramda izləyin