İlber Ortaylının ölüm xəbərini alan Fatih Altaylı göz yaşlarına boğuldu - VİDEO

Xəbər verdiyimiz kimi bir müddətdir reanimasiyada müalicə alan tanınmış tarixçi, professor İlber Ortaylı vəfat edib. Onun ölüm xəbəri ictimaiyyət və yaxınları tərəfindən dərin kədər hissi ilə qarşılanıb.

Sonxeber.az türk mediasına istinadən xəbər verir ki, acı xəbəri alan jurnalist Fatih Altaylı telefonla qoşulduğu canlı yayımda göz yaşlarını saxlaya bilməyib. Altaylı yaxın dostu olan Ortaylının son günlərindən danışarkən kövrəlib və duyğusal anlar yaşayıb.

O bildirib ki, İlber Ortaylı son günlərini xəstəxanada keçirib və həkimlərin bütün səylərinə baxmayaraq, onun həyatını xilas etmək mümkün olmayıb. Altaylı çıxışı zamanı dostu haqqında xatirələrini bölüşərək onun elmə və tarixə verdiyi töhfələrdən danışıb.

Qeyd edək ki, İlber Ortaylı Türkiyənin ən tanınmış tarixçilərindən biri kimi qəbul olunurdu və Osmanlı tarixi ilə bağlı araşdırmaları ilə geniş oxucu kütləsinin rəğbətini qazanmışdı. Onun vəfatı elm və media ictimaiyyətində böyük itki kimi qiymətləndirilir.

Telegramda izləyin