Dilənçilik bəhanəsi ilə yaxınlaşdığı qadının çantasını kəsib pulunu oğurladı - VİDEO

Türkiyənin Kırıkkale şəhərində cibgirlik hadisəsi baş verib.

Sonxeber.az türk mediasına istinadən xəbər verir ki, Kırıkkalenin Güzeltepe məhəlləsində baş verən hadisədə bir şəxs dilənçilik bəhanəsi ilə qadına yaxınlaşaraq onun çantasını kəsib və içərisindəki pulqabını oğurlayıb.

Məlumata görə, küçədə qadından kömək istəyən şübhəli bir müddət onun yanında dayanaraq diqqəti yayındırıb. Daha sonra çantanın qulpunu kəsərək pulqabını götürüb və hadisə yerindən sürətlə uzaqlaşıb. Hadisə anı ərazidəki müşahidə kameraları tərəfindən qeydə alınıb.

Faktla bağlı Kırıkkale İl Emniyet Müdürlüğünün Asayiş Şöbəsinin əməkdaşları tərəfindən əməliyyat-axtarış tədbirləri həyata keçirilib. KGYS kameralarının görüntüləri araşdırılaraq şübhəlinin kimliyi müəyyən edilib.

Aparılan araşdırmalar nəticəsində şübhəlinin G.Ş. olduğu müəyyənləşdirilib və həmin şəxs elə həmin gün polis tərəfindən saxlanılıb. Daha sonra o, istintaq hərəkətlərinin tamamlanmasının ardından məhkəməyə çıxarılıb.

Məhkəmənin qərarı ilə G.Ş. barəsində həbs qətimkan tədbiri seçilərək cəzaçəkmə müəssisəsinə göndərilib.

Telegramda izləyin