Məşhur aktrisa qatıldığı iftar dəvətinə geyindiyi paltara görə müzakirə edilir - VİDEO

TRT1-də yayımlanan Taşacak Bu Deniz serialında Eleni obrazı ilə tanınan gənc aktrisa Ava Yaman qatıldığı iftar dəvətindən sonra sosial şəbəkələrdə müzakirə mövzusuna çevrilib.

Sonxeber.az türk mediasına istinadən xəbər verir ki, aktrisa Bilal Erdoğan tərəfindən təşkil olunan iftar mərasiminə qatılıb. Tədbirdə onun makiyajsız və təbii görünüşü, eləcə də geyim tərzi bəzi istifadəçilər tərəfindən tənqid olunub, digər sosial media istifadəçiləri isə Yamanı müdafiə edərək bu reaksiyaların haqsız olduğunu bildiriblər.

Serialdan sonra izləyici sayını sürətlə artıran Ava Yamanın xüsusilə saç düzümü və geyimi üzərindən edilən şərhlər gündəmi zəbt edib. Bəzi paylaşımlarda isə aktrisanın dəvətə hazırlıqsız qatıldığı iddia olunub.

Həmin paylaşımlarda qeyd edilib ki, Yaman çəkilişdə olduğu üçün müsahibə veriləcəyindən xəbəri olmayıb və son anda hazırlaşıb dəvətə gəlib. Eyni zamanda onun menecerinin olmaması səbəbindən bu cür hallarla qarşılaşdığı vurğulanaraq, gənc aktrisaya qarşı yönələn sərt tənqidlərin ədalətsiz olduğu bildirilib.

Telegramda izləyin