Hülya Avşar rol aldığı serialın finalından sonra ilk dəfə danışdı - VİDEO

Məşhur aktrisa Hülya Avşar rol aldığı serialın erkən final qərarından sonra ilk dəfə açıqlama verib.

Sonxeber.az türk mediasına istinadən xəbər verir ki,, onun baş rollardan birini canlandırdığı "Aynı Yağmur Altında" serialı gözlənilən reytinqləri əldə edə bilmədiyi üçün 7-ci bölümdə ekranlara vida edib. Bu qərardan sonra mediada yayılan xəbərlərə münasibət bildirən Avşar, "Bir çox serial uğursuz olur, təkcə bizimki deyil. Amma sanki yalnız bizim layihə batmış kimi çox danışıldı. Danışanlara da salam olsun" deyə qeyd edib.

Aktrisa həmkarı Hande Ataizi tərəfindən səsləndirilən sərt tənqidlərə də qısa cavab verib: "Nə deyirsə desin".

Hülya Avşar bildirib ki, serialın bağlanmasına görə ən çox texniki heyətə üzülür: "Bu işlərdə çox insan çalışır. Biz aktyorlar yenə iş tapırıq, amma səhnə arxasında çalışanlar üçün bu daha çətindir. Qismət deyilmiş, başqa layihələr olar".

Serialın erkən final qərarı isə şou-biznes aləmində müzakirələrə səbəb olub.

Telegramda izləyin