"TikTok"da bilet tələsi: konsert istəyən vətəndaşı belə aldatdılar - ŞİKAYƏT

Sosial şəbəkələrdə konsert bileti almaq istəyən vətəndaş dələduzluğun qurbanı olub.

Bu barədə Sonxeber.az -a şikayət daxil olub.

Belə ki, zərərçəkənin sözlərinə görə, o, Gökhan Türkmen konsertinə bilet axtararkən "TikTok" platformasında bir istifadəçi ilə əlaqə saxlayıb. Həmin şəxs işi çıxdığı üçün konsertə gedə bilməyəcəyini və buna görə biletini 50 manata satmaq istədiyini bildirib. O, etibar yaratmaq üçün şəxsiyyət vəsiqəsinin fotosunu belə göndərib.
Alıcı əvvəlcə biletin göndərilməsini istəsə də, satıcı buna razılaşmayıb və əvvəlcədən ödəniş tələb edib. Uzun müzakirələrdən sonra tərəflər 10 manat ilkin ödəniş üzərində razılığa gəlib.

Zərərçəkən qeyd edib ki, o, satıcının istəyinə uyğun olaraq pulu göndərdikdən dərhal sonra qarşı tərəf onu bloklayıb və heç bir bilet təqdim olunmayıb.

Zərərçəkən ona göndərilən şəxsiyyət vəsiqəsinin saxta və ya oğurluq olduğunu hesab edir.

Faktla bağlı aidiyyati qurumlara məlumat verilib

Telegramda izləyin