13 nömrəli avtobus sürücüləri arasında nə baş verir? "Sərnişinləri qoyub getdi" - ŞİKAYƏT

Bu gün səhər saatlarında paytaxtda ictimai nəqliyyatla bağlı növbəti narazılıq qeydə alınıb.

Bu barədə Sonxeber.az -a məlumat daxil olub

Sərnişinlərin sözlərinə görə, 13 nömrəli avtobus Koroğlu metro stansiyası yaxınlığındakı dayanacağa uzun fasilədən sonra çatıb. Dayanacaqda 50-dən çox sərnişin gözlədiyi halda, avtobus sürücüsü yalnız 10-a yaxın şəxsi götürərək qapını bağlayıb.

Bildirilib ki, bu zaman sürücü digər bir sürücü ilə mübahisə edib və daha sonra dayanacaqda çoxsaylı sərnişini gözləmədə qoyaraq ərazidən uzaqlaşıb.

Hadisə sərnişinlərin ciddi narazılığına səbəb olub. Onlar bildirir ki, bu hal demək olar hər gün təkrarlanır.

Məsələ ilə bağlı aidiyyati qurumlara məlumat verilib.

Telegramda izləyin