Binadan gələn pis qoxu acı gerçəyi ortaya çıxardı - VİDEO

Türkiyənin Edirnə şəhərində tək yaşayan yaşlı kişinin evindən yayılan pis qoxu faciənin üstünü açıb.

Sonxeber.az türk mediasına istinadən xəbər verir ki, şəhərin mərkəzi rayonuna bağlı Meydan məhəlləsində yerləşən yaşayış binasında tək yaşayan 67 yaşlı Y.E.-dən bir müddətdir xəbər ala bilməyən qonşular mənzildən gələn qoxulardan narahat olaraq polisə müraciət ediblər.

Hadisə yerinə polis, xilasetmə və təcili tibbi yardım briqadaları cəlb olunub. Xilasedicilərin köməyi ilə mənzilə daxil olan əməkdaşlar Y.E.-nin cansız bədəni ilə qarşılaşıblar. Tibb işçilərinin apardığı ilkin müayinə zamanı onun həyatını itirdiyi müəyyən edilib.

Mərhumun meyiti müvafiq ekspertiza üçün morqa aparılıb. Onun ölüm səbəbi üzərində aparılacaq məhkəmə-tibbi ekspertizadan sonra dəqiqləşdiriləcək.

Faktla bağlı polis tərəfindən araşdırma aparılır.

Telegramda izləyin