Məşhur müğənni ittihamlara cavab verdi: "Bir qurtum belə spirtli içki belə içməmişəm"

Türkiyədə məşhurlara qarşı aparılan narkotik istintaqı çərçivəsində saxlanıldıqdan sonra sərbəst buraxılan müğənni Emre Fel sükutunu pozaraq ilk açıqlamasını verib.

Sonxeber.az türk mediasına istinadən xəbər verir ki, son günlər maqazin gündəmini zəbt edən istintaq çərçivəsində adı hallanan şəxslərdən biri olan Emre Fel, Məhkəmə-Tibbi Ekspertizasında analiz üçün nümunə verdikdən sonra azadlığa buraxılmışdı. Baş verənlərdən sonra ilk dəfə danışan müğənni uzun açıqlama yayımlayıb.

O bildirib ki, həyatında heç vaxt ona qarşı irəli sürülən iddialarla əlaqəsi olmayıb: "Bir qurtum belə spirtli içki belə içməmişəm". Müğənni ittihamları qətiyyətlə təkzib edərək dünən kim idisə, bu gün də eyni insan olduğunu və həyatını dəyişmədən davam etdirəcəyini vurğulayıb.

Gün ərzində prosesdə iştirak etdiyini qeyd edən sənətçi, ondan tələb olunan bütün prosedurları tam yerinə yetirdiyini bildirib. "Daxilim rahat və özümə əmin şəkildə evimdən çıxdım", - deyə o əlavə edib və prosesin ən qısa zamanda düzgün nəticələnməsi üçün üzərinə düşəni etdiyini qeyd edib.

Yaşanan hadisələr səbəbindən proqramında dəyişiklik etməyə məcbur qalan Emre Fel, Adana şəhərində keçirilməsi planlaşdırılan konsertini bazar gününə təxirə saldığını açıqlayıb. Bu səbəbdən narahatlıq yaşayan dinləyicilərdən üzr istəyən müğənni konsert proqramının davam edəcəyini bildirib.

Telegramda izləyin